Біздің студенттер Жеткербаева Арайлымды, Талғатова Аяулымды, Хегай Алинаны және Мусатаева Айдананы, Coil жобасына қатысқаны туралы сертификат алуымен құттықтаймыз!
COIL жаһандық виртуалды топтардағы жұмысты түсінуді жақсарту және мәдениетаралық дағдыларды дамыту үшін, екі (немесе одан да көп) елдің студенттерін біріктіруге бағытталған. Ол студенттерге интернетте және халықаралық аренада бизнес жүргізу тәжірибесін ұсынады. Студенттер халықаралық командалар құрып, қойылған міндеттерді бірлесіп орындайды. Бір ай бойы бизнес мамандықтарының төрт студенті Амстердам университетінің студенттерімен командада жұмыс істеп, түрлі тапсырмаларды орындап, бизнес кейстерді шешті. Жоба аяқталғаннан кейін студенттерге екі университеттің де қолы қойылған сертификаттар берілді. Келесі жылы COIL жобасына жаңа қабылдау жоспарлануда.
Естеріңізге сала кетейік, AUAS 2021 жылға арналған іріктеуді қайта жариялайды. Қатысуға ниет білдірушілер, келесі поштаға жазуыңызды сұраймыз global@narxoz.kz.