Халықаралық онлайн-конференция ДМТУ-дың 90 жылдық мерейтойын мерекелеу аясында ұйымдастырылды.
Конференцияны ұйымдастырушылар:
- Дон мемлекеттік техникалық университеті (Ростов-на-Дону қ., Ресей);
- Крагуевац Университеті (Сербия);
- Лиепай университеті (Лиепая қ., Латвия).
9-11 қыркүйек 2020 ж.
Конференция шеңберінде: кәсіптік білім беру мен жоғары білімнің өзара іс-қимылын дамытуға, ЖОО-лар мен еңбек нарығының желілік әріптестігіне, жұмыс орнында оқыту жүйесін дамытуға арналған пленарлық отырыс, жұмыс және ақпараттық сессиялар өткізілді.
Іс-шараға Ресей, Бельгия, Сербия, Испания, Ұлыбритания, Германия, Греция, Латвия, Словакия, Литва, Австрия, Эстония, Армения және Қазақстан елдерінің жоғары оқу орындарының, білім беру ұйымдары мен кәсіби қауымдастықтарының басшылары мен өкілдері қатысты.
Баяндамашылар өз тәжірибелерімен, стратегиялық шешімдерімен және келесі салалардағы озық тәжірибелерімен бөлісті:
1. Кәсіби білім беруді цифрландыру: қазіргі жағдайы, мәселелері мен болашағы.
2. Жас мамандардың бәсекеге қабілеттілігі мен жұмысқа орналасу мүмкіндіктерін арттыруға бағытталған инновациялық оқыту бағдарламалары.
3. Сандық экономикадағы жастардың кәсіби болашағын болжау.
4. Еңбек нарығының өкілдері мен кәсіптік және жоғары білім берудің академиялық қоғамдастығы арасындағы желілік ынтымақтастық.
5. Өңірдің кадрлық әлеуетін арттыру құралы ретінде жұмыс орнында оқыту жүйесін дамыту.
Конференция Эразмус+ ALLVET бағдарламасының жобалары, сондай-ақ "Армения мен Ресейдің жоғары білім беру саласында жұмыс орнында оқыту үшін икемді, инновациялық және практикалық базаны әзірлеу" (FlexWBL) шеңберінде өткізіледі. COMPLETE және ALLVET жобаларының синергиясына ерекше назар аударылды. Конференция туралы толығырақ сайтқа кіріп біле аласыз: https://e4e.donstu.ru/en/#send .
