RUDN университетімен онлайн кездесу

2021 жылы 20 қаңтарда Ресей халықтар достығы университеті (РХДУ) өкілдерімен онлайн кездесу өтті. РХДУ 2005 жылдан бері Нархоз Университетінің ежелгі және құрметті серіктесі болып табылады. Нархоз Университетінен кездесуге Құқық және қоғамдық саясат факультетінің деканы Нұрсейт Байжанов, оқу ісі жөніндегі деканның орынбасары Серік Утеулиев, «Заң» кафедрасының меңгерушісі Жанель Сайлибаева, Халықаралық даму және серіктестік басқармасының бастығы Жайлагуль Сагындыкова, Халықаралық бағдарламаларды дамыту және үйлестіру бөлімінің бастығы Балжан Аманқкулова және департаменттің аға үйлестірушісі Анель Умбетова, РХДУ университетінен, РХДУ заң институты директордың халықаралық қатынастар және қоғаммен байланыс жөніндегі орынбасары Наталья Чеснокова және РХДУ заң институтының халықаралық қатынастар маманы Маржана Абдурагимова қатысты.

Кездесуде құқықтану және құқық саласындағы ынтымақтастықтың жаңа бағыттары, сондай-ақ бірлескен ғылыми жобалар мен білім беру бағдарламаларын жүзеге асыру мүмкіндіктері талқыланды.

Өткен кездесу ұзақ мерзімді және жемісті ынтымақтастықтың негізін салады деп сенеміз!