Hankuk University of Foreign Studies университетімен онлайн кездесу

Бүгін Нархоз университетінің Халықаралық даму және серіктестік бөлімі Кореядағы жаңа серіктесі - Hankuk University of Foreign Studies (HUFS) университетімен алғашқы онлайн кездесуін өткізді. Халықаралық бөлімі тарабынан Халықаралық басқарма бастығы Жайлагүл Сағындықова және оның әріптестері Балжан Аманқұлова мен Анель Үмбетова қатысты. Кездесуде әр тарап өздерінің университеті және қызметі жайлы пайдалы ақпараттармен бөлісті. Сондай-ақ ынтымақтастықты бастау қадамдарын талқылады.

Hankuk University of Foreign Studies - Оңтүстік Кореядағы ең ірі университеттердің бірі, ол беделді QS Ranking агенттігінің нұсқасы бойынша Азия елдерінде 92-ші және университеттердің әлемдік рейтингінде 392-ші орынды иеленуде. Нархоз Университеті HUFS-пен келісімге 2020 жылдың қараша айында қол қойды.